¹‘உமர் உகந்து உகந்த உருவம் நின் உருவமாகி உன்றனக்கு அன்பரானார், அவர் உகந்து அமர்ந்த செய்கை உன் மாயை’ என்கிறபடியே, ²அடியார்கட்கு அதீனப்பட்ட சொரூபம் ஸ்திதி முதலான வைகளையுடையவன் நமக்குத் தன்னைக் காட்டி மறைக்கைக்குக் காரணம், ஆத்துமாவிலும் ஆத்துமாவோடு சம்பந்தப்பட்ட பொருள்களிலும் ஏதேனும் நசை உண்டாகவேண்டும் என்று ஐயங்கொண்டு, ³அவற்றில் நசை அற்றபடியை அருளிச்செய்தார்.

    ஒன்பதாம் பத்தால், ⁴‘நீர் என்றிய ஐயங்கொண்டு படுகிறீர் இப்படி?’ என்று தன்னுடைய நிருபாதிக சம்பந்தத்தையும் காட்டி., ‘நாம் நாராயணன்; எல்லா ஆற்றல்களோடும் கூடினவன்; உம்முடைய விருப்பமனைத்தையும் முடிக்கிறோம்’ என்று அருளிச்செய்ய,. ⁵‘சீலம் எல்லை இலான்’ என்று அவனுடைய சீல குணங்களிலே ஆழங்கால்பட்டார்.

    பத்தாம் பத்தால், ஆழ்வாருடைய ஆற்றாமையைக் கண்டு, ⁶‘திருமோகூரிலே தங்கு வேட்டையாக வந்து தங்கி, இவர்க்கு ⁷அர்ச்சிராதிகதியையுங் காட்டிக்கொடுத்து, இவர் வேண்டிக் கொண்டபடியே ⁸‘என் அவா அறச் சூழ்ந்தாயே’ என்று இவர் திருவாயாலே அருளிச்செய்யும்படி பேற்றினை அளித்தபடியை அருளிச்செய்கிறார்.

1. திருவாய். 8. 1 : 4.

2. ‘மனக்கோள் நினக்கென வடிவு வேறு இலையே’ என்ற பரிபாடற்பகுதி
  ஒப்பு நோக்குக.

(பரிபா. 4 - 56.)

3. ‘உங்களோடு எங்கள் இடையில்லை’ (8. 2 : 7.) என்றதனை நோக்கி,
  ‘அவற்றில் நசை அற்றபடியை அருளிச்செய்தார்’ என்கிறார்.

4. ‘ஓராயிரமாய் உலகு ஏழ் அளிக்கும்’ என்ற திருப்பதிகத்திலே நோக்காக, ‘நீர்
  என்றிய ஐயங்கொண்டு பருகிறீர் இப்படி?’ என்று தொடங்கி
  அருளிச்செய்கிறார். என்றிய - எதற்காக?

5. திருவாய். 9. 3. : 11.

6. ‘தாள தாமரை’ என்ற திருப்பதிகத்தைத் திருவுளம் பற்றித் ‘திருமோகூரிலே
  தங்குவேட்டையாக வந்து தங்கி’ என்கிறார்.

7. சூழ்விசும்பு அணிமுகில் தூரியம் முழக்கின’ என்ற திருப்பதிகத்தைத்
  திருவுளம் பற்றி ‘அர்ச்சிராதிகதியையும்’ என்கிறார். அர்ச்சிராதிகதி - அந்தம்
  இல் இன்பத்து அழிவில் வீட்டிற்குச் செல்லும் வழி.

8. திருவாய். 10. 10 : 10.