போக வேண்டும்’ என்னும் ஆசையும் மனத்தில் தொடர்ந்து கிடக்கவும் ‘பாவியேன் ¹கரணபாடவ தசையுண்டாகப் பெற்றிலேன்’ என்னும் நிலை வருவதற்கு முன்னே செல்லுங்கள். ஆக, ²‘ஓ பிரமனே! திருமகள் கேள்வனை வணங்கும்பொருட்டு, கை கால் முதலிய உறுப்புகளுடன் கூடின விசித்திரமான இச்சரீரம் முற்காலத்தில் உண்டாக்கப்பட்டது’ என்கிறபடியே, ‘சர்வேசுவரன் இவ்வாத்துமாவிற்குச் சரீர சேர்க்கையைக் கொடுத்தது, நரகத்திற்குக் காரணமான விஷயங்கள் இருந்த இடம் தேடிப் போகைக்காக அன்று; திருமலைக்குப் போகைக்கு’ என்கிறார்.

    ³‘ஐயர் சொல்லிற்றுச் செய்ய வேண்டுகையாலே பெருமாள் காடேற எழுந்தருளாநின்றார்; நானும் கூடச் சேவித்துப் போவேன்,’ என்ன, ‘அவர் காட்டிலே எழுந்தருளாநிற்கப் படை வீட்டிலே இருக்கைக்கோ, நான் உன்னைப் பெற்றது? நீ இப்படிச் செய்தாயாகில் நான் உன்னைப் பெற்ற பயன் பெற்றேனாகிறேன்; அவர்க்கு யாதொருபோது துணை வேண்டியிருந்தது, அப்போது நீ துணையாகைக்காகவன்றோ நான் உன்னைப் பெற்றது? நீ சினேகி

____________________________________________________

1. கரண பாடவம் - கரணங்களின் சத்தி.

2. விஷ்ணு தத்துவம்.

3. ஸ்ரீராமா. அயோத். 40 : 5. இச்சுலோகப்பொருளோடு

  ‘அன்னான் அவர்தங் தனஆ தரத்தோடும் ஏந்தி
   இன்னா இடர்தீர்ந் துடனே கெனஎம்பி ராட்டி
   சொன்னா லதுவே துணையா மெனத்தூய நங்கை
   பொன்னார் அடிமேல் பணிந்தான்; அவளும் புகன்றாள்.

  ‘ஆகாத தன்றா லுனக்கவ் வனம்இவ் வயோத்தி
   மாகாத லிராமன் நம்மன் னவன்வையம் ஈந்தும்
   போகா உயிர்த்தாயர் நம்பூங் குழற்சீதை என்றே
   ஏகாய் இனிஇவ் வயின்நிற் றலும்ஏதம் என்றான்.

  ‘பின்னும் பகர்வாள்: மகனே யிவன்பின்செல்; தம்பி
   என்னும் படியன்று; அடியா ரினில்ஏவல் செய்தி;
   மன்னும் நகர்க்கே இவன்வந் திடின்வா; அதன்றேல்
   முன்னம் முடிஎன் றனள்பால் முலைசோர நின்றாள்.’

  என்னும் செய்யுள்கள் (கம். அயோத். 150-152) ஒப்பு நோக்கத்தக்கன.