மூன்றாந்திருவாய்மொழி - ‘ஒழிவில் காலம்’

முன்னுரை

    ஈடு : ‘நிலைப்பெற்று என்னெஞ்சம் பெற்றது நீடு உயிர்’ என்று அவனைக் கிட்டித் ¹தம்முடைய சொரூபம் பெற்றவாறே, சொரூபத்திற்குத் தகுதியான அடிமை பெறவேணும் என்று ²பாரிக்கிறார் இத்திருவாய்மொழியில். ³பிரகிருதி சம்பந்தத்தால் வந்த கரணங்களின் குறைவை அநுசந்தித்து நினைத்த வகைகளெல்லாம் பரிமாறப் பெறாமையாலே நொந்து, ‘இறைவன் முதலிலே இதனைத் தவிர்த்துத் தன்னையனுபவித்தற்கு உறுப்பாகப் பல உபாயங்களைப் பாரித்து வைத்தான்; அவற்றிற்குத் தப்பினேன்; அவதாரங்களுக்குத் தப்பினேன்; உயிருக்குள் உயிராயிருக்கும் தன்மைக்குத் தப்பினேன்; இப்படி அவன் பாரித்து வைத்த வழிகள் முழுதிற்கும் தப்பின யான், ⁴இனிக் கிட்டி அனுபவித்தல் என்று ஒரு பொருள் உண்டோ? இழந்தேனேயன்றோ!’ என்று ஆசையற்றவராய் முடியப் புக, ‘வாரீர் ஆழ்வீர்! நாம் உமக்காக அன்றோ திருமலையில் வந்து நிற்கிறது? உம்மை இவ்வுடம்போடே அனுபவிக்கைக்காக இங்கே வந்து நின்றோமே! நீர் ⁵அங்குச் சென்று காணக்கூடிய காட்சியை நாம் இங்கே வந்து

___________________________________________________

1. ‘தம்முடைய சொரூபம்’ என்றது, சேஷத்துவத்தோடு கூடின சொரூபத்தை.

2. பாரித்தல் - விரும்புதல்.

  ‘வாரிக்கொண்டு உன்னை விழுங்குவன் காணிலென்று
  ஆர்வுற்ற என்னை யொழிய என்னில் முன்னம்
  பாரித்துத் தான் என்னை முற்றப் பருகினான்’

  என்பது, இவருடைய திருவாக்கு. (9. 6 : 10)

3. ‘பிரகிருதி சம்பந்தத்தால்’ என்றது முதல், ‘முடியப்புக’ என்றது முடிய, மேல்
  திருவாய்மொழியின் அநுவாதம்.

4. மேல் திருவாய்மொழியில் ‘கூவிக் கூவி’ என்ற பாசுரத்தைக் கடாக்ஷித்து,
  ‘இனிக் கிட்டி அனுபவித்தல் என்று ஒரு பொருள் உண்டோ?’ என்கிறார்.

5. அங்குச் சென்று - பரமபதத்திலே சென்று.