மேல் கொடிதான நரகம்” என்னாநிற்கச்செய்தேயும், விஷயத்தில் ஈடுபாடுடையவர்கள் அது பாராதே மேல் விழுமாறு போலே, இது கற்றாரை எம்பெருமானும் ஸ்ரீவைஷ்ணவர்களும் மேல்விழுந்து இனியராகக் கொள்ளுவர்கள் என்றபடியாம். ¹இங்ஙன் அன்றாகில் வஞ்சனையுள்ளவர் வார்த்தையாமே அன்றோ. இவர் பிராமாணிகர் அன்றிக்கே ஒழிவரே. பிரகரணத்துக்குத் தகுதியாக அன்றோ தலைக்கட்டி இருப்பதும். ‘அவர்களுக்குப் போல்’ என்ற ஒரு தொடர் இங்குக் கண்டிலோமே! என்னில், ²முற்றுவமை என்ற ஒரு இலக்கணம் இருக்கிறபடி. உவமை புக்க இடத்தே உபமேயமும் வரக்கடவது. “தாவி வையங்கொண்ட தடந் தாமரைகள்” என்னாநின்றதே அன்றோ.

(11)

திருவாய்மொழி நூற்றந்தாதி

        ஆரா வமுதாழ்வார் ஆதரித்த பேறுகளைத்
        தாராமை யாலே தளர்ந்துமிகத்-தீராத
        ஆசையுடன் ஆற்றாமை பேசி அலமந்தான்
        மாசறுசீர் மாறன்எம் மான்.

 ஆழ்வார் எம்பெருமானார் சீயர் திருவடிகளே அரண்.

 ____________________________________________________

1. தமக்கு இதனைப் பலமாகச் சொன்னால் அன்றோ “தூரக்குழி தூர்த்து”
  என்றதனோடு முரண்படுவதாம்; பிறர்க்கு இதனைப் பலமாகச் சொன்னார்
  என்றால் வரும் விரோதம் யாது? என்ன, இதற்கு மூன்று விதமாக விடை
  அருளிச்செய்கிறார் ‘இங்ஙன் அன்றாகில்’ என்று தொடங்கி. ‘இங்ஙன்
  அன்றாகில்’ என்றது, நான் சொன்னபடி சொல்லாமல், இருந்தபடியே
  சொல்லில் என்றபடி.

2. நன்று; ‘எம்பெருமானுக்கும் ஸ்ரீ வைஷ்ணவர்களுக்கும் இனியராவர்’ என்று
  தார்ஷ்டாந்திகத்தைக் காட்டும் சொற்கள் இங்கு இல்லையே? எனின்,
  அதற்கு விடை அருளிச்செய்கிறார் ‘முற்றுவமை’ என்று தொடங்கி.