என்று, ¹“அந்தக் கிருஷ்ணனும் துவஜம், வஜ்ஜிரம், தாமரை என்னும் இந்த ரேகைகளை அடையாளமாகவுடைய கைகளாலே நன்றாகத் தொட்டு இழுத்து அன்போடு கெட்டியாக ஆலிங்கனம் செய்துகொண்டார்” என்னும் கிருஷ்ணாவதாரத்திலே போந்தார் அண்மைக் காலமாகையாலே.

    ²‘இவ்வாழ்வார்கள் கிருஷ்ணாவதாரம் என்றவாறே போர மண்டியிருப்பர்கள், இதற்குக் காரணம் என்’ என்று பட்டரைக் கேட்க, ‘ஒருவனுக்கு உண்டான துக்கம் சில நாள்கள் கழிந்தால் பொறுக்கலாம், அணித்தானால் ஆறியிருக்கப் போகாதே அன்றோ; அப்படியே, அல்லாத அவதாரங்களைப் போல அன்றிக்கே, சம காலமாகையாலே, ‘ஒரு செவ்வாய்க்கிழமை முற்படப் பெற்றிலோம், பாவியேம்! பல்லிலே பட்டுத் தெறிப்பதே’ என்னும் இழவாலே வயிறு எரிதலாலேயாயிருக்கும்’ என்று அருளிச்செய்தார். ³இனித்தான், இராமவதாரத்தில், தமப்பன் சம்பரனைக் கொன்றவனாய் ஏகவீரனாய் இருப்பான் ஒருவன்; பிள்ளைகள்தாம் ஆண்புலிகள், குடிதானே வன்னியம் அறுத்திருப்பதொரு குடி; இவை எல்லாம் மிகையாம்படி, குணத்தாலே நாடுகளையெல்லாம் ஒருமார்வு எழுத்தாக்கிக்கொண்டிருப்பர்கள், ஆகையால் எதிரிகள் என்கிற சொல்லும் இல்லை; இங்கு அங்ஙன்

_____________________________________________________

1. “ஸோப்யேநம் த்வஜ வஜ்ராப்ஜ க்ருத சிஹ்நேந பாணிநா
   ஸம்ஸ்ப்ருஸ்ய ஆக்ருஷ்யச ப்ரீத்யா ஸுகாடம் பரிஷஸ்வஜே”

  என்பது, ஸ்ரீவிஷ்ணுபுரா. 5. 18 : 2.

2. அண்மைக் காலமாகையாலே என்றதனைப் பெரியோர்களுடைய
  வார்த்தைகள் மூலமாக விவரிக்கிறார் ‘இவ்வாழ்வார்கள்’ என்று தொடங்கி.
  ‘பட்டரைக் கேட்க’ என்றது, பட்டரை நஞ்சீயர் கேட்க என்றபடி.
  செவ்வாய்க்கிழமை-செவ்வாயினுடைய சாரம்.

3. அண்மைக் காலமாத்திரம் அன்றிக்கே, பரிய வேண்டும் காரணங்கள்
  இருந்தனவாகையாலும் கிருஷ்ணாவதாரத்திலே போந்தார்கள் என்று
  அருளிச்செய்கிறார் ‘இனித்தான்’ என்று தொடங்கி. வன்னியம் - குறும்பரான
  பகைவர்கள். ‘ஒரு மார்வெழுத்தாக்கிக்கொண்டிருப்பர்கள்’ என்றது,
  எல்லாரையும் அடிமையாக்கிக்கொண்டிருப்பார்கள் என்றபடி. ‘ஒரு
  மார்வெழுத்து’ என்றது, மார்வெல்லாம் ஓரெழுத்தாக என்றபடி. ‘ரக்ஷகர்’
  என்றது, நம்பி மூத்தபிரானை.