வடிவிலே மண்டுகிறாள். அன்றிக்கே, மேல், ‘ஆசு அறு சீலனை’ என்னாநிற்கச் செய்தே, குணத்திலும் விக்கிரஹம் மனக் கவர்ச்சியைச் செய்கையாலே ‘மாசு அறு சோதி’ என்று முற்பட வடிவழகைச் சொல்லுகிறாள் என்னுதல். ¹நான் மடல் எடுக்க நினைத்த அளவிலே மாசு அற்று வருகிறபடி பாராய் என்கிறாள்.

    என் செய்ய வாய்-²“அவாக்யநாதர:” என்கிறபடியே, வேறுபாடு இல்லாமல் இருக்கக்கூடிய பரம்பொருள், என்னோடே கலந்து அதனால் வந்த பிரீதிக்குப் போக்கு விட்டுப் புன்முறுவல் செய்து வேறுபாட்டினை அடையக்கூடிய பொருள் போலே வேறுபட்டவன் ஆகாநிற்க, நான் அவனைப் பிரிந்து வேறுபடாதவளாய் இருக்கவோ. ³ஒரு வார்த்தை சொல்லக்கூடியவன் அன்றிக்கே, முகம் பார்த்து வார்த்தை சொல்லுகைக்குத் தன்னோடு ஒப்பது ஒரு வேறுபொருள் இல்லாமையாலே அநாதரித் திருக்குமவன். ⁴‘கர்மங் காரணமாக வருகின்ற வேறுபாடு இல்லை’ என்ற இத்தனை போக்கி, அடியார்களோடு கலத்தலாலும் பிரிதலாலும் வருகின்ற வேறுபாடு இல்லை எனில், ஒரு சேதனனோடு கலந்தது அன்றிக்கே ஒழியுமே அன்றோ. ⁵அவன் கலந்தபோது செய்த புன்முறுவல் அன்றோ என்னை மறைவு அற்ற வழி

____________________________________________________

1. “மாசறு சோதி” என்பதனை நிகழ்கால வினைத்தொகையாகக் கொண்டு
  பொருள் அருளிச்செய்கிறார் ‘நான் மடல் எடுக்க நினைத்த’ என்று
  தொடங்கி.

2. இது, சாந்தோக்யம். 3 : 14. “செய்யவாய்” என்பதனால், சிவப்புத் தோற்றுவது
  புன்முறுவல் செய்யும்போது ஆதலின், ‘புன்முறுவல் செய்து’ என்கிறார்.

3. “அவாக்யநாதர:” என்று மேற்காட்டிய சுருதிக்குப் பொருள்
  அருளிச்செய்கிறார் ‘ஒரு வார்த்தை’ என்று தொடங்கி.

4. ஆயின், “அவிகாரய” என்று சுருதியோடு முரண் ஆகாதோ? என்ன, அதற்கு
  விடை அருளிச்செய்கிறார் ‘கர்மங்காரணமாக’ என்று தொடங்கி.

5. நன்று; பிரிவுக் காலத்திலே புன்முறுவல் கூடுமோ? என்ன, அதற்கு விடை
  அருளிச்செய்கிறார் ‘அவன் கலந்த போது’ என்று தொடங்கி.