1. 1020 - A. D. இராஜேந்திர சோழர் - 7-ம் ஆண்டு - தஞ்சை - நன்னிலம் - திருவிடைவாய் - கோயில் முன்வாயிற் சுவர் - விடையபுரம் என்ற விருதராச பயங்கர புரத்து வியாபாரிகள், அப்பதியில் சொக்கக் கூத்தர், நாச்சியார், திருஞானம் பெற்ற நம்பி இவர்களது பிரதிமைகளைத் தாபித்துப் பூசை நடத்த ஏற்பாடு செய்தது; இத்தலத்தில் தான் கல்வெட்டில் திருமுறைப் பதிப்புக்களில் முன் கிடைக்காத, ஆளுடைய பிள்ளையாரது "மறியார் கரத்தெந்தை" என்ற பதிகம் என்ற பதிகம் கண்டு பிடிக்கப்பட்டது. இது சேக்கிழார் காலத்துக்கு முந்தியது.

     2. 1224 - A. D. இராசராசர் lll-9வது ஆண்டு - மன்னார்குடி - கோட்டூர் - கொழுந்தீசர் கோயில் - கொழுந்தாண்டார் ஆலயத்தில் திருஞானம் பெற்ற பிள்ளையார் கோயிலுக்கு நாகமங்கலமுடையான் அம்பலவன் கோயில் கொண்டான் பணம் உதவியது 450/1912.

     3. 1234 - A. D. இராசராசர் lll - 18-ம் ஆண்டு - மேற்படி ஆலயத்தில் தாபிக்கப்பெற்ற திருஞானம் பெற்ற ஆளுடைய பிள்ளையார் சந்நிதிக்குப் பூதானம் - 485 - 1912.

     4. 1267 - A. D. (44 - 2-1267) இராசேந்திரச் சோழர் lll-28-ம் ஆண்டு - பட்டுக் கோட்டை - கோவிலூர் என்ற திரு உசாத்தானம் கோயில்; மும்முடிச் சோழபுரத்து வியாபாரி தாபித்த திருஞானம் பெற்ற பிள்ளையார் நித்தியப் படித்தரத்துக்குப் பூதானம். 161 - 1908.

     5. 22-2-1198 - A. D. சடாவர்மன் வீரபாண்டியன் 9-வது ஆண்டு திருஞானம் பெற்ற பிள்ளையாரை எடுப்பித்து நிபந்தங்களுக்குப் பணமும் தேவாரம் ஓதுதற்குப் பணமும் சிவநெறி காட்டினார் தந்தது. (பிரான் மலை 208 - 24)

     6. திருஞானம் - என்ற பெயர் தனியாகவே சில கல்வெட்டுக்களிற் காணப்படுகின்றது.

     7. பிள்ளையார் அவதரித்த சீகாழிப் பதியில் அவரது தனிக் கோயிலில் 11- தான சாசனக் கல்வெட்டுக்கள் உண்டு; ஆனால் அவை இச்சரிதப் பகுதி பற்றியன வல்ல.

     இனிச் சரிதத்தின் ஏனைப் பகுதிகளைப்பற்றிய கல்வெட்டு ஆதரவுகளும், திருமுறை ஆதரவுகளும் அவ்வப் பகுதிகளில் இயன்ற அளவு குறிக்கப்பெறும்.

     நம்பியாண்டார் நம்பிகள் அருளிய நூல்களில் ஆளுடைய பிள்ளையார் சரிதத்தின் பற்பல பகுதிகளின் ஆதரவுகள் விளங்குகின்றன. அவை ஆசிரியருக்குப் பேராதரவாயிருந்தன என்பது புராணப் பாயிரத்தாலும் அறியவுள்ளது.

     குறிப்பு :- மேலே குறித்த கல்வெட்டு ஆதரவுகள் எனது அறிய நண்பர் திரு. இராவ்பகதூர் C. M. இராமச்சந்திரன் செட்டியார், B. A., B. L., F. R. G. .S, F. M. U. அவர்களால் அன்புடன் உதவப்பட்டன.