தானே தெரிந்தெடுத்த வாய்ப்பான ஐந்து கற்களோடு கவணையும்
கையில் எடுத்துக் கொண்டு சென்றான். அங்கிருந்து நீங்கிய சிறுவனை
நோக்கி யாவரும் மனத்துள் வியந்து இரங்கினர்; குருக்கள் வெற்றி பற்றிய
விரிந்த ஆசையால் ஆசி மொழிகளைக் கூறினர்; தன் பக்கத்துப்
படையணியை விட்டுத் தாவிதன் தனியே பிரிந்து சென்ற போது அங்கு
இசுரவேலர் அனைவரும் ஒலி பெருக ஆரவாரம் செய்தனர்.

     கல் - கூழாங்கல், கவண் - கல் எறி கயிறு. சிறுவனின் வீரம் பற்றி
வியப்பும், கொண்ட பகைவனின் பெருமை கருதிச் சிறுவன் பால் இரக்கமும்
பிறந்தன.

                  கோலியாற்று வீழ்ச்சி

   

26

ஆர்த்த வோதைகேட் டரக்கனின் றமர்க்கெதிர் வருகப் பார்த்த பாலனைப் பழித்தெழுந் தியாவரு மஞ்சக் கூர்த்த வேலொடு குறுகவந் தகல்கரு முகிலிற் பேர்த்த கோடைநாட் பேரிடி யெனவுரை செய்தான்.

ஆர்த்த ஓதை கேட்டு, அரக்கன், இன்று அமர்க்கு எதிர்                                         வருகப் பார்த்த பாலனைப் பழித்து எழுந்து, யாவரும் அஞ்சக் கூர்த்த வேலொடு குறுக வந்து, அகல் கரு முகிலின் பேர்த்த கோடை நாள் பேர் இடி என உரை செய்தான்: