சூழ நின்றோர் சிலர், "வானத்தின் மேல் உள்ள கதிரவன் இம்
மண்ணுலகில் வந்து கிடக்கும் அழகிய வடிவமே இக் குழந்தை", என்பர்.
வேறு சிலர், "காட்டில் பொருந்த நின்ற தவத்தை இவன் இனி நாடாகிய
இங்கே பொருந்தக் காட்டுவான்", என்பர். இன்னும் சிலர்,
"நூல்களுக்கெல்லாம் மேலாக வைக்கப்பட்டுள்ள வேதத்தை விளக்கிக்
காட்டும் நுண்ணிய மாண்புள்ள சுடர் விளக்கே இம்மகன்", என்பர்.
இவ்வாறு நான்கு வகைக்கும் மேலாக வைத்து எண்ணப்பட்ட
புகழ்ச்சிகளைச் சொல்லுதல் தவிரார்; கொண்ட இன்பத்தைச் சொல்ல
இயலாதவரும் ஆயினார்.

             வளன் சனித்த படலம் முற்றும்.

              ஆகப் படலம் 3க்குப் பாடல் 227.