தெளிவு பொருந்திய அறிவு படைத்த பெரியோன் சிறுவனைத் தழுவிக்
கொண்டு பின்வருமாறு சொல்வான்: "செல்வத் தகுதியுள்ள நாட்டில் தங்கிச்
செய்யும் அழகிய துறவறம், மதியை விண் மீன்கள் சூழ்ந்ததுபோல்,
அருளையும் தக்க அறிவையும் அன்பையும் ஊக்கத்தையும் அரிய
பொறுமையையும் கொடையையும் மற்றும் மயக்கத்தோடு பொருந்திய தீய
இயல்புகளைப் போக்கும் மாட்சியையும் தனக்கு அணியாகக் கொண்டு
விளங்குமன்றோ?