குவித்த தன்மையாய் இவ்வுலகில் நிறைந்துள்ள யாவற்றையும்
ஆராய்ந்து பார்ந்தவனாய், தீதாகத் தோன்றிய எல்லாவற்றையும் விலக்கி
பரவிய பயனுள்ளவற்றில் சிறந்து நின்று, கலந்த நீரை நீக்கிப் பாலை
மட்டும் உண்ணும் அன்னப்பறவைக்கு ஒப்பாய் விளங்குவான்.
 

60

மீயி ருட்கொணர் மேகமி டைந்தெனாப் போயி ருட்கொண ரைம்பொறி போக்கிலான் றூய ருட்கொணர் சூட்சி தெளிந்துளம் பாய ரட்கொணர் பற்றுத லெய்தினான்.

மீ இருள் கொணர் மேகம் மிடைந்து எனா, போய் இருள் கொணர் ஐம்பொறி போக்கு இலான், தூய் அருள் கொணர் சூட்சி தெளிந்து, உளம் பாய் அருள் கொணர் பற்றுதல் எய்தினான்.

     வானத்தில் இருளைக் கொணரும் மேகங்கள் செறிந்தது போல், தம்
போக்கிலே போய் உள்ளத்தில் இருளைக் கொணரும் ஐம்பொறிகளின்
வழியே போகாதவனாய், தூய அருளைக் கொணரும் முறையால் தெளிந்து,
பரந்த தெய்வ அருளைக் கொணரும் பற்றுதலைக் கைக்கொண்டான்.
 

61

கோதி லோர்முறை கொண்டு நடந்தபின் னேதி லோர்முறை யாருந டந்தெழ நீதி யோர்முறை நேர்நெறி யோதுவான் வேதி யோர்முறை விஞ்சிய மாட்சியான்.