"ஆண்டவனோ இரக்கமற்றவன்போல் தனது அருளை எனக்குச்
செய்யான்; வானவரோ திருமணம் ஆகுமாறு தூது உரைப்பார்; மனிதரோ
உதவி செய்யார்; நல்ல சிறந்த திருமணம் வர, அதனோடு கூடிவரும்
பயனின் மாண்பு. இது தானோ?"
 

63

நிழலாலய நீங்கும ணப்பயனாற் சுழலாயின வென்றுயர் நாளுமெலாம் புழலாயின புண்ணுழை யப்பொதுளூந் தழலாயுரு குந்தமி யேனினியே.

"நிழல் ஆலயம் நீங்கும் மணப் பயனால், சுழல் ஆயின என் துயர். நாளும் எலாம் புழல் ஆயின புண் நுழையப் பொதுளும் தழலாய் உருகும் தமியேன் இனியே."

     "நிழல் போல் உதவிய இக்கோவிலை விட்டு நீங்குவதற்குக் காரணமான
திருமணத்தின் பயனாக, எனது துயரங்கள் என்னைச் சுற்றியே சுழலலாயின.
தனிப்பட்டவளாகிய நான் இனிமேல் எந்நாளும் துளையுண்ட புண்ணினுள்
நுழையக் குவிக்கும் நெருப்புக்கு இரையாகி உருகுவேன்."

     உருகும் - உருகுவேன்: 'செய்யும்' என்முற்று தன்மைக்கு வந்தது.
 

64

மனனேமற வாதுவ ருந்துதியே கனலேயுணு கண்கள்க லுழ்ந்துதிரே யெனவேயுள மேங்கிய றாதழுவாள் புனலேபொரு வாவிழி பொங்கிழையாள்.

"மனமே, மறவாது வருந்துதியே. கனலே உணு கண்கள், கலுழ்ந்துதிரே." எனவே உளம் ஏங்கி, அறாது அழுவாள் புனலே பொருவா. விழி பொங்கு இழையாள்.