தனக்கு முடிவும் ஒப்பும் அளவும் தொடக்கமும் பிற குறைகள் யாவும்
இல்லாது, ஒப்பற்ற ஆறு குணங்களை உடைய ஆண்டவன் அருளினால்
உள்ளம் தேறிய ஒப்பற்ற ஊக்கத்தோடு தெளிவு கொண்ட மரியாள், தனது
ஒப்பற்ற தோழியர் நூறு பேர் அப்பொழுது தன்னை நோக்கி வரக் கண்டாள்.

     இத்தோழியர் மரியாளோடு கன்னி மாடத்தில் இருந்த பிற கன்னிப்
பெண்கள் என்று அறிக. இறைவனின் ஒப்பற்ற ஆறு குணங்கள்: தன்
வயத்தன் ஆதல், முதல் இலன் ஆதல், உடம்பு இலன் ஆதல், எல்லா
நலமும் உளன் ஆதல், எங்கும் வியாபகன் ஆதல், எவற்றிற்கும் காரணன்
ஆதல். (சதுரகராதி: தொகை-ஈச்சுரன் முக்கிய குணம்)

 

தோழியரும் மரியாளும்

கலி நிலைத்துறை

     (ஐஞ்சீரடி நான்கு கொண்டு, அடிக்கண் வெண்டளைமிக்கும்,
கலித்தளையாயின் நேரொன்றாசிரியத்தளை தொடர்ந்தும் வருவது)