அலை நீர் திரண்டு மோதும் இவ்வுலகில், மெய்யின் வசப்பட்டும்
தனக்கு நிகர் அற்றும் ஒளிரும் மின்னற்கொடி போன்ற மரியாளை, பிறர்
யாவரும் தம் கைக்கு அகப்பட்டு மணத்தால் அடைதலை நினைந்து
மதிழ்ந்திருக்கையில், மயக்கங் கொண்டவளனோ அப்படியொன்று தனக்கு
நேர்ந்துவிடுமோவென்று தனக்குள் அஞ்சிக் கொண்டிருந்தான்.

                'ஆல்' அசைநிலை.

     'வல்லமை நிறைந்த வானுலகச் செல்வமே போன்ற இனிய மலர்க்
கொடியாகிய மரியாளை மனைவியாகப் பெறத்தக்க ஒரு பேறு எனக்கு
உண்டோ? மேலும், துறவு மேற்கொண்டு, திருமணத்தை விலக்கி
வாழ்வதாக வாக்குறுதி சொல்லியபின், மணம் புரிந்துகொள்ளுதல் தகுமோ?'
என்றெல்லாம் அவன் எண்ணினான்.

     'ஆல்' அசைநிலை. 'உறல் ஆம் மணமோ?' என்பதனை 'மணம்
உறல் ஆமோ?' என மாற்றுக.
 

105

உள்ளும் பொழுதே யிவனோங் கியகோல் கள்ளுங் கடியும் பொழிகா மரிதழ் விள்ளுஞ் செழுவெண் மலர்பூத் தமையான் மள்ளும் விரையா லயமல் கியதே.