அவ்விருவர் அருகே நெருங்கி வந்து பார்த்த கொழுமையான கண்கள்
மகிழ்ந்து அருந்திய இன்பம் அளவில் அடங்காததென்று கண்டு எல்லோரும்
வந்து திரளவே, பெருகித் திரண்டு எழுந்த தூசி ஆகாய வெளியில் திரண்டு,
அவ்வாறு மண்டிய இருள் பெருகுவதற்கு இடமில்லாமல் அங்கு வாசனையே
குளிர்ச்சியோடு மண்டுமாறு, வாசனை மழை போன்று, வாசனையைப்
பொழிந்த மலர்களை விரைவாகத் தூவி நின்ற மக்கள் உள்ளங்களெல்லாம்
பருகத் தக்கவாறு பெருகுகின்ற முடிவில்லாத அருளை அரிய தன்மையாய்ச்
சிந்துகின்ற இவ்விருவரும் தம் நகரத்திற்குத் தாம் எண்ணியவாறு வந்து
புகுவர்.

     சிந்துகின்றிருவர் - சிந்துகின்ற + இருவர்; 'சிந்துகின்ற விருவர்'
என்பதன் தொகுத்தல் விகாரம்.
 

148

விதியெழுந்தொ ளிர்ந்தமறை வடிவணிந்த னந்ததவன்                     விருதணிந்த டைந்த தெனவான் மதியெழுந்தொ ளிர்ந்தவடி மரியெழுந்த டைந்ததென                     மனமெழுந்து வந்த முறையா னிதியெழுந்தொ ளிர்ந்தவுல குளரெழுந்த டர்ந்துவர                     நிறையமண்டு நின்ற நசைசெய் பதியெழுந்தொ ளிர்ந்தநகர் புகுவரின்பு மிழ்ந்துபுவி                     பரிவொடும்பு ரந்த விவரே