இவ்வுலகம் அடைந்துள்ள இழிவு அமைந்த பாவ நோய் நீங்கப் பெறுமாறு,
உலகம் முழுவதும் தன் வாசனையைப் பரப்பும் ஒரு கனியை ஈன்றெடுக்கும்
நாள் இதோ அடுத்து வந்து விட்டது."

     காடு + யாவும் - 'காடியாவும்' என யகரம் வரக் குற்றுகரம் இகரமாய்
திரிந்தது.
 

31

நாளி தேயு வப்ப ஞால நசைய மிழ்ந்தி ராவறக் கோளி தேக டுத்த தீது கொணர்கு னுங்கி னோயற வாளி தேபி ழைத்த நீச மனும லிந்த கேடறப் பீளி தேவி யப்ப வீடு பெறுவு கின்ற நாமுமே.

"நாள் இதே உவப்ப ஞாலம். நசை அமிழ்ந்து இரா அறக் கோள் இதே. கடுத்த தீது கொணர் குணுங்கின் நோய் அற வாள் இதே. பிழைத்த நீச மனு மலிந்த கேடு அற, பீள் இதே, வியப்ப வீடு பெறுவுகின்ற நாமுமே."

     "உலகமெல்லாம் மகிழ்வதற்குரிய நாள் இதுவே. ஆசையில் அமிழ்ந்திக்
கிடத்தலாகிய இரவு அறுவதற்கான ஞாயிறு; இதுவே, மிகுந்த தீமையை
இவ்வுலகில் கொணர்ந்த பேயின் நோயாகிய பாவம் அறுவதற்கான வாள்
இதுவே, பிழை செய்த நீச மனுக்குலத்திடையே மலிந்து கிடக்கும்
கேடெல்லாம் அறவும், மோட்ச வீடு பெற்று வாழ்கின்ற நாமுமே
வியப்படையவும் வந்தமைந்த கருப்பம் இதுவே."
 

32

பெறுவு கின்ற நாம வாகை பெருகு கின்ற பேலினா னுறுவு கின்ற ஞாலம் யாவு முளைய வந்த பீடைக ளிறுவு கின்ற கால மாக விளவ னின்ற நாதனைத் துறுவு கின்ற நூலி னோடு துதிசெய் கின்றி யாவரே

"பெறுவுகின்ற தாம வாகை பெருகுகின்ற வேலினான், உறுவுகின்ற ஞாலம் யாவும் உளைய வந்த பீடைகள் இறுவுகின்ற காலம் ஆக, இளவல் நின்ற நாதனைத் துறுவுகின்ற நூலினோடு துதி செய்கின்று யாவரே?"