வள்ளம் போன்ற வாயையுடைய, மாமரத்து இளங் குயிலோடு
எல்லாப் பறவைகளும் ஆசை கொண்ட மகிழ்ச்சியோடு ஆண்டவனைப்
புகழ்ந்தாற்போல, தம் உள்ளத்தில் பெருகிய மகிழ்ச்சிக்கு ஏற்ப இனிது
பாடுதலால், யாழின் இசையை இகழ்வன போல் தோன்றின ஆகும்.

     'அரோ' அசைநிலை. இனி - 'இனிது' என்ற குறிப்பு வினையெச்ச
இறுதி கெட்டது.
 

49

ஐயும் போயின போயின வாகுல மொய்யும் போயின போயின முற்பழி மையும் போயின போயின வஞ்சனை பொய்யும் போயின போயின பூதமே.

ஐயும் போயின; போயின ஆகுலம்; மொய்யும் போயின; போயின முன் பழி; மையும் போயின; போயின வஞ்சனை; பொய்யும் போயின; போயின பூதமே.

     ஆண்டவனின் அவதாரப் பெருமையால் இவ்வுலகில் ஐயங்களும்
விலகிப்போயின; துன்பங்களும் விலகிப்போயின; சண்டைகளும் போயின;
பழம் பழிகளும் தீர்ந்து போயின; குற்றங்களும் போயின; வஞ்சனைகளும்
போயின; பொய்களும் நீங்கிப் போயின; பேய்களும் விலகிப்போயின.