கடல் அலையையும் வெல்லத் தக்க ஐயம் கொண்ட மனத்தோனாகிய
சூசை விரைவாகக் கண் விழித்து, சூழ்ந்து கண்ட ஒளியேயன்றி, களவிற்
கண்ட வேறு எந்நிலையும் வெளிப்படக் காணாதவனாய், மகிழ்ச்சியும்
அச்சமும் ஒருங்கே கொண்டு விரைந்து எழுந்தான்; நிறைவான நூல்கள்
தந்த கலைகளையெல்லாம் வெல்லத் தக்க அறிவு ஓங்கப் பெற்று, கணிக்க
இயலாத விதமாகவும், தாயின் தூய கன்னிமை பழுதுறா வகையிலும்,
எவ்விலையையும் வெல்லக் கூடிய மாணிக்கம் போல் தன் இல்லத்தில்
மகனாய் அவதரித்துள்ள கடவுளைத் தொழ விரும்பித் தரையில் வீழ்ந்தான்.

     கணிக்கரிய-'கணிக்கவரிய' என்ற தொடரின் தொகுத்தல் விகாரம்.