இருவர் உவகை

     கோடை வெயிலால் வற்றி, பின் பெய்த மழையால் பெருகியோடும்
நீரோடையைப் போன்ற மகிழ்ச்சி கொண்ட மனத்தை உடைய சூசை, முன்
துயரத்தால் வாடிய உள்ளத்தில், பேரொளியாகிய ஆதவனை ஆடையாகக்
கொண்ட மரியாள் சொல்லால் இப்பொழுது அரிய இன்பங் கொண்டு
ஆழ்ந்தான்.

     கோடை - மேல்காற்று: அக்காலத்து வெயிலுக்கு ஆகுபெயர்.
கொண்டல் - கீழ்காற்று: அக்காலத்து மேகத்திற்கும் மழைக்கும் ஆகுபெயர்.
ஒடையால் - ஒடையை; இரண்டாம் வேற்றுமை மூன்றாம் வேற்றுமையாய்
மயங்கி நின்றது.
 

37

கோள்கடைந் தழுத்திய மகுடக் கோதையாள் பீள்கடைந் தழுத்திய கதிர்பி லிற்றல்காண் டாள்கடைந் தழுத்திய தாரின் வாகையான் வாள்கடைந் தழுத்திய வருத்த நீக்கினான்.

கோள் கடைந்து அழுத்திய மகுடக் கோதையாள் பீள் கடைந்து அழுத்திய கதிர் பிலிற்றல் காண், தாள் கடைந்து அழுத்திய தாரின் வாகையான், வாள் கடைந்து அழுத்திய வருத்தம் நீக்கினான்.

     ஒரு தண்டைக் கடைந்து அழுத்தி வைத்தது போன்ற மலர்க்
கொடியை உடையவனாகிய சூசை, விண்மீன்களைத் திருத்திப் பதித்த
முடியை அணிந்த மங்கை மரியாளின் வயிற்றைச் செப்பஞ் செய்து