மேலே காட்டிய இத்தன்மையால் கதிரவனும் குறைபடத்தான்
குறைபடாமல் தன் இயல்பிலே உயர்ந்தவளாகிய மரியாள், சிற்றின்பத்தை
அருந்தி நாம் பாவத்தைச் செய்த அத்தன்மையால் நமக்கென்று ஏற்பட்ட
தவத்தை தான் பாவம் ஒன்றும் இல்லாமலே உலகம் அரிதென்று வியக்கும்
வண்ணம் முயன்று செய்தாள் என்று காட்டும் பொருட்டு, கரிய நிறத்
தன்மையோடு விரித்த சிறகை அடித்துக் கொண்ட வண்டுகள் அணுகுதல்
இல்லாத சண்பக மலர்களாலாகிய அழகிய மாலைகளை உண்மைத்
தன்மையால் வேத விதிகளைத் தொடுத்த மாலை போல் அன்றே ஏழாம்
அணியாய் நின்ற வானவர் ஒரு நூறு கட்டி எடுத்துக் கொண்டு வந்து,
அவள் அடியை வணங்கி அணிந்தனர்.

     'அன்றோ' அசைநிலை.