மேலே காட்டிய இம் முறைப்படி அணிக்கு நூறாக ஒன்பது அணிகள்
சூழ்ந்து நிற்க, வேறுபாடின்றி எல்லோர்க்கும் தம் நலத்தை வழங்கும்
சோலையோ மேகமோ கதிரவனோ என்றாலும் அம்முறைக்கும் ஒப்பாகாத
தன்மையாய், எவ்வுயிரையும் உயிரற்ற பிற எல்லாவற்றையும்
அமுதைக்காட்டிலும் இனிதாக அன்பால் பேணும் தாய்க்குச் செய்யும்
கைம்மாறு போல, வேலைப்பாடு அமைந்த பொன் முடியும் முத்து மாலையும்
பதக்கத்தோடு பல வகை அணிகலன்களும் எண்ணிக்கை இல்லாது ஏந்திக்
கொண்டு, தம் உடலுக்கு உரிய முறையால் ஒளியுடன் விளங்கி வணங்கும்
பன்னிரு வானவர், இவள் தலையில் விரும்பிச் சூடும் பன்னிரு விண்மீன்கள்
போல நின்றனர்.

     இது தொடங்கி, ஒன்பது அணிகளினின்றும் பொறுக்கி ஓரணியாகச்
சேர்த்த பத்தாம் அணியைச் சேர்ந்த வானவர் செயல் கூறப்படுகிறது.