இம்மண்ணுலகில் துணைக்காரணம் ஒன்றும் இல்லாமலே
எல்லாவற்றையும் படைத்தவனாய், மூவுலகங்களுக்கும் தான் ஒருவனே
தலைவனுமாய், எல்லாவற்றிற்கும் மூலகாரணனுமாகிய கடவுளுக்கு உரிய
மாண்பு முறைக்கு ஏற்ற வண்ணமாய் அவன் அருகே அடைந்துநின்று,
ஒப்புமை கூறத்தக்க வகையில் வேறு எவரும் அடைய இயலாத இந்தப்
பண்புடையாளர் இருவரும் கொண்டுள்ள இந்தத் தாழ்மைப் பண்பிற்கு,
நீராலாகிய கடல் சூழ்ந்த இவ்வுலகத்தை ஆளும் அரசரது பெருமையும்
ஒப்பாகுமோ?

     பின் 'முந்தை' என மூல காரணம் சுட்டப் படவே, முன் 'ஏது'
என்றது துணைக் காரணம் என்பது பெறப்பட்டது.

                  ஈகைச் சிறப்பு

          - மா, கூவிளம், கூவிளம், கூவிளம்.