38

நாக்க ணங்குக னிந்துந வின்றசொல் நோக்க ணங்குகண் ணோட்டநொ துத்தகை யூக்க ணங்கிடுந் தானமென் றுள்ளுவார் கோக்க ணங்கொடு வோங்குகு லத்தினார்.

நாக்கு அணங்கு கனிந்து நவின்ற சொல், நோக்கு அணங்கு கண்ணோட்டம், நொதுத்த கை ஊக்கு அணங்கு இடும் தானம் என்று உள்ளுவார், கோக் கணம் கொடு ஓங்கு குலத்தினார்.

     தாவிதனில் தொடங்கிய மன்னர் வரிசையைத் தன்னிடத்தே கொண்டு
உயர்ந்த குலத்தைச் சேர்ந்த இவ்விருவரும், கனிவோடு சொன்ன சொல்லே
நாவிற்கு அழகு தருவது எனவும், கருணையே கண்ணுக்கு அழகு தருவது
எனவும், இரவலர்க்கு இடும் தானமே உழைத்த கைக்கு மிக்க அழகு
தருவது எனவும் எண்ணுவர்.

     'உள்ளுவார்' என்றது, உள்ளி அவ்வாறே செய்வர் என்ற கருத்தை
உட்கொண்டது. நாக்கு - 'நாவிற்கு' என்ற சொல் 'இன்' சாரியை கெட்டு
நின்றது. கண்ணோட்டம் - கருணை; அது பிறர் துயரம் கண்டு பிறக்கும்