"முன் தான் வாழ்ந்த காலத்தில் அவனவன் செய்த செயல்கள்
அனைத்தும் அங்கு வெளிப்படத் தோன்றும், தீமை செய்ததும், மனத்தால்
விரும்பியதும், சொல்லிய சொல்லும் நல்ல செயலையுமே நன்றாய்ச்
செய்யாமல் அரைகுறையாய்ச் செய்த குற்றமும், பிறருக்கு ஒளித்து இரவில்
இருளைத் துணையாகத் தேடிச் செய்த தன் செய்கையும், இவை யாவும்,
அந்த நாளில் தானே நடுங்கிக் கூசுமாறும், உலகமெல்லாம் முழுதும்
அறியுமாறும், - தவத்தின் பயனாக விளையும் வீரச் செயலின் கொண்ட
உறுதியினால் இனிதாக இவ்வாழ்நாட் காலத்தில் அவை மறைந்தொழியுமாறு
துடைக்கத் தவறினால் - அந்நாளில் வெளிப்படத் தோன்றும்.