"படம் விரித்த பாம்பு போலப் பல மின்னல்களைத் தோற்றுவித்து,
துதிக்கை கொண்ட யானை போல மிக முழங்கி, நிறைய மழையைப்
பொழியும் வானம் போல அங்கிருந்து பெயர்ந்து நீ இங்கு இறங்கி
வந்தாய்: நாங்களோ, கருங்கல் மலைபோல மனம் உருகாதிருக்கின்றோம்! "
 

64

அறவீடுமி லாரறி வீடுமிலார் திறவீடுமி லாரிடை சேர்பயனா லுறவீடுமி லாவுறை வீடுமிலாப் புறவீடுமி லாப்பிணி பூத்தழுவாய்.

"அற ஈடும் இலார் அறிவு ஈடும் இலார் திற ஈடும் இலார் இடை சேர் பயனால், உறவு ஈடும் இலா உறை வீடும் இலாப் புற ஈடும் இலாப் பிணி பூத்து அழுவாய்! "

     "அறத்தின் பெருமையும் அறிவின் பெருமையும் வலிமையின்
பெருமையும் இல்லாத மனிதரிடையே நீ வந்து சேர்ந்ததன் பயனால்,
உறவுத் துணையும் இல்லாத தங்கும் வீடும் இல்லாத வேறு பெருமையும்
இல்லாத துன்பத்தோடு தோன்றி இவ்வாறு அழுது கொண்டிருப்பாய்! "
 

65

புகையாடிய காடெனு மிப்புவியே பகையாடிய தல்லது பண்புளதோ நகையாடுவர் நாளியெ னக்கஞறி மிகையாடுவர் நின்விழை வாற்றுவரே.

"புகை ஆடிய காடு எனும் இப் புவியே, பகை ஆடியது அல்லது, பண்பு உளதோ? நகை ஆடுவர்; நாளி எனக் கஞறி மிகை ஆடுவர்; நின் விழைவு ஆற்றுவரே! "