"இத்தகைய இன்பத்தைத் தரும் இனிய இத் திருப்பெயரை சொல்லவே,
சொல்லிய வாயும் இன்பம் அடையும்; உள்ளத்தால் வணங்கி நினைக்கவே,
நினைத்த மனமும் இன்பம் அடையும்; அப்பெயர் அதை அடுத்திருக்கவே,
அடுத்த திசைகளெல்லாம் இன்பம் அடையும்! "

     'அன்றோ' அசைநிலை.

100

வான மேலவர் வணங்கிய விப்பெயர் தன்னாற் றான மேதவந் தகையருள் பொறைபுகழ் வளர்ந்து ஞான மேபயில் நன்றெலா மிகுத்துயிர் பிரித லான வேலையி லனந்தவீ டமைதலா மென்றான்.

"வான மேலவர் வணங்கிய இப் பெயர் தன்னால், தானமே தவம் தகை அருள் பொறை புகழ் வளர்ந்து, ஞானமே பயில் நன்று எலாம் மிகுத்து, உயிர் பிரிதல் ஆன வேலையில் அனந்த வீடு அமைதல் ஆம்!" என்றான்.

     "வானத்திலுள்ள வானவர் வணங்கிய இப்பெயரால், தானத்தோடு
தவம் பெருமை அருள் பொறுமை புகழ் போன்றவை வளர்ந்து, ஞானத்தால்
விளையும் நன்மையெல்லாம் மிகுந்து, உயிர் பிரியும் வேளையில் என்றும்
முடிவு பெறாத வீட்டுலகமும் கைகூடுவதாகும்!" என்று மிக்கயேல் கூறினான்.