மூவரசர் சூசையை நோக்கி, வேதத்தை அணிந்துகொண்ட விதமாய்த்
தவத்தில் தவறாத விதிமுறைகளைக் கடைப்பிடிக்கும் நல்லவனே "பாவத்தை
அணிந்துகொண்ட இவ்வுலகை மீட்டுக் காக்கும் நன்மையை நாடினால்,
இத்தகைய துயரத்திலோ மூழ்க வேண்டும்? மலர்களை நீரின்மேல்
அணிந்தவண்ணம் இழுத்துக் கொண்டு ஆறுகள் பாய நாங்கள் ஆண்டு
கொண்டிருக்கும் நாட்டை அடைந்து, பொதுவென்று இல்லாமல் தானே
ஆண்டு, நீதியை அணிந்து கொண்டுள்ள இவன் கட்டளையிட்ட நெறிக்கு
இணங்க நாங்கள் பணி செய்து நின்றால் என்னவாம்?" என்று கேட்டனர்.
வேதம், நீதம் என்பன, வேது, நீது எனக் கடைக்குறையாய் நின்றன.