"தீ வினையின் விளைவைக் காண்பாய்; பிறர்க்குத் தீ வினை செய்யக்
கருதிய பாவமாகிய அது, கருதிய தன்னையே கொல்லும் கூற்றுவனாய்
அமைதலைப் பெரியோர் சொல்லால் கேட்டு அறிந்துள்ளோம்; பின்,
அதனையே இன்று காட்சிப் பொருளாகக் காணப் பெற்றோம்" என்று
சூசை அதனைப் பற்றி மரியாளுக்குக் கூறி, பின் அவர்கள் சென்ற அழகு
நிறைந்த முல்லை நிலம் பற்றி மேலே தொடர்ந்து சொல்வோம்.

                 முல்லை நில அழகுச் சிறப்பு

     -விளம், -விளம், -மா, கூவிளம்
 

28

புதுப்பட வேந்துறீஇப் பொலிதெ ருத்தொறுஞ் சதுப்பட நகரெலாஞ் சிறந்த தன்மைபோல் விதுப்பட முகத்துவான் வேந்த னெய்தலான் மதுப்பட மலர்ந்தன முல்ல வாயெலாம்.