கீழ் மக்களின் வாய் போல மிகவும் சலசலக்கும் தென்னை மரங்கள்
ஓங்கிய தோப்புகளும், செல்வம் வாய்த்தவிடத்துப் பணிவு காட்டும்
அறிவுடையோர் போலக் குலை சாய்ந்த வாழைத் தோட்டங்குள்ம, தேன்
வாய்ந்த மலர்ச் சோலைகளும் கடந்து, மூவரும் அழகிய எருசலேம்
நகரை நெருங்கினர்.
 

57

விருந்தி னார்முகம் விரும்பினர் கண்டென மலர்ந்து வருந்தி னார்முகங் கண்டழு நீரென மதுப்பெய் தருந்தி னார்முகந் தவாவறக் கனிமலி காவிற் பொருந்தி னார்முகம் பொலிநகர்ப் புரிசையைக் கண்டார்.

விருந்தினார் முகம் விரும்பினர் கண்டு என மலர்ந்து, வருந்தினார் முகம் கண்டு அழுநீர் என மதுப் பெய்து, அருந்தினார் முகந்து அவா அறக் கனி மலி காவில் பொருந்தினார்; முகம் பொலி நகர்ப் புரிசையைக் கண்டார்.

     விருந்தினரை விரும்பும் இயல்புடையோர் அவர் முகத்தைக் கண்டு
மலர்ந்த தன்மை போல் மலர்கள் பூத்தும், வருந்தியவர் முகத்தைக் கண்டு
அழும் தன்மை போல் தேனைப் பொழிந்தும், பறித்து அருந்தியவர் ஆசை
தீருமளவான கனிகள் மிகுந்தும் அமைந்த ஒரு சோலையை மூவரும்
வந்தடைந்தனர்; தனக்கு முகம் போல் விளங்கும் அந்நகரத்து மதிலை
அங்கிருந்தே கண்டனர்.

            எருசலேம் சேர்ந்து கோவிலை அடைதல்

     -விளம், -மா, விளம், -மா, -விளம், -விளம், -மா
 

58

மின்னிய முகில்சூழ் பொன்மலை தழுவி வேய்ந்தென                                விசும்பினைத் தாவுங் கன்னிய புரிசை சூழ்தரத் தோன்றிக் கசடுறு மெரோதனென்                                றரசன் றுன்னிய கொடுங்கோல் துயர்செய வுளைந்து தொன்மறை                                வழுவில காத்து மன்னிய வளங்கொள் ளெருசலே மென்னு மாநகர்                                தோன்றிய தன்றே.