மணமுள்ள கஸ்தூரியும், நறுமணமுள்ள அகிற் கட்டை எரிந்த
புகையினின்று கிளம்பிய வாசனையும், தேய்த்தெடுத்த சந்தன வாசனையும்,
பெருகிய தேனுள்ள மலர்களிற் செறிந்த வாசனையும் ஒன்றாகக் கலந்து
திரண்ட வாசனையோடு அந்நகரெல்லாம் நிறைந்தன.

      கானம் - 'கான்' என்ற சொல் 'அம்' சாரியை பெற்று நின்றது.
 

28

பூந்துறைத் தெரியல்கள் பொழிந்த தேறலும் காந்துறைத் தசும்பிடை கமழு நீரமுந் தேந்துறைக் குங்குமத் தெளிந்த சுண்ணமு மாந்துறைத் திரள்மணத் தார்ந்த வந்நகர்.

பூந் துறைத் தெரியல்கள் பொழிந்த தேறலும், காந்து உரைத் தசும்பு இடை கமழும் நீரமும், தேம் துறைக் குங்குமத் தெளிந்த சுண்ணமும் ஆம் துறைத் திரள் மணத்து ஆர்ந்த அந் நகர்.

      பூ வகைகளாற் கட்டிய மாலைகள் பொழிந்த தேனும், ஒளியுள்ள
உறையாகிய பொற் குடங்களில் மணம் கமழும் பன்னீரும், இனிய வகைக்
குங்குமத்தின் தெளிந்த வாசனைப் பொடியும் போன்று, பல வகையாகத்
திரண்ட மணங்களால் அந்நகரத்து இடமெல்லாம் நிறைந்தன.

      காந்து - 'காந்தம்' என்ற சொல் கடைக் குறையாக நின்றது.
  

29

தேசுசூழ் செந்துகில் திருந்துங் காலின்மேற் காசுசூழ் தமனியக் கம்ப லந்திரைத் தூசுசூழ் நித்திலந் துதைந்த குஞ்சுகள் பாசுசூழ் மணிச்சுவர் படுக்கு மாடமும்.