"சொல்வேம். செல்வ நகர் தகர்ப்ப, செல்லச் செல்லும் எல்லை செலும், வெல்வேம். வெல்லும் வல்லமையோ, வீர வில்லின் மாரியினோடு எல் வேல் வல்லது அல்லது என, இறைவன் தான் தன் வலி காட்ட, கொல் வேல் இல்லாது, இந் நகரைச் சிதைத்தல் காண்மின்!' என்றான்.

     "நாம் செல்வோம். நாம் இந்நகருக்குப் போகச் செல்லும் கால
எல்லையே, இச் செல்வ நகரைத் தகர்ப்பதற்குச் செல்லும். நாம் வெல்வோம்.
அவ்வாறு வெல்லும் வல்லமையோ, வீரம் வாய்ந்த வில்லின் மழையோடு
ஒளி பொருந்திய வேலினால் சாதிக்கக் கூடியதன்று என்று காட்டும்படியாக,
ஆண்டவன் தானேதன் வலிமையைக் காட்ட, கொல்லும் வேலின் துணை
இல்லாமல், இந்நகரைச் சிதைக்கும் திறத்தை நீங்களே பாருங்கள்!" என்றான்.

     "ஆண்டவன் சோசுவன் மூலமாகத் தந்த கட்டளைப்படியே, ஆறாத
நெருப்பைப் பொழியும் சிங்கம் போன்ற யூதர், இடி முழங்கும் ஒலிபோல்
பல பறைகளைக் கொட்டி முழக்கி, வேதக் கட்டளை அடங்கிய பேழையைப்
பகைவருக்குப் பெருமை தந்து நின்ற அம்மதிலைச் சூழச்