சுமந்து கொணர்ந்து, ஒரு வார்த்தையும் பேசாமல், வெல்லும் வேலைக்
கையில் ஏந்தி விரைந்து நடந்து, ஆறு நாட்களாக நாளுக்கு ஒரு தடவை
தவறாமல் வரவே, பகைவர் மயங்கி, உள்ளே மனம் பதைத்து வியப்பிற்கு
ஆளாகினர்.

     "கிரகங்கள் நின்று ஒளி செய்யும் வான மண்டலத்திற்கு அரசனாகிய
கதிரவன் இவ்வதிசயங்களைக் காணக் கிழக்கில் உதிக்க, ஏழாம் நாள்
வந்து சேர்ந்தபோது, தன் தோளுக்கு நிகரென்று வந்து உயர்ந்த குன்றும்
பெருமை குன்றச் செய்யும் சோசுவன், 'வாளைக் கையில் ஏந்திக் கொண்டு,
அம்பைக் காட்டிலும் விரைந்து ஓடி, இன்று இந்நகரை ஏழு தடவை சுற்றி
வளைத்து, எல்லோரும் வானம் அதிருமாறு வாய்விட்டு முழங்கி வாருங்கள்'
என்று கட்டளையிட்டான்.