"ஏர் ஆடிய ஏரிம நாட்டு இறையோன் பாரான் எனும் நாமன் அகல் படியின் வேர் ஆடிய மூ இலை வேலுடன் ஓர் சீர் ஆடிய தேர்மிசை சென்றனன் ஆல்.

     "அழகு வாய்ந்த ஏரிம நாட்டு மன்னனாய்ப் பாரான் என்னும் பெயர்
கொண்டவன், பரந்த பூமியில் வேர் விட்டு வளர்ந்தது போன்ற மூன்று
இலை வடிவம் கொண்ட வேலுடன் ஒரு சிறப்புப் பொருந்திய தேரில் ஏறி
வந்துள்ளான்.

     "வயல்களைப் பேணி வாழம் அயிலக்கின நாட்டு மன்னனாய்,
தனக்கு யாரும் நிகரில்லாத யாப்பியன் என்பவன், அம்போ காற்றோ ஒளி
பொருந்திய கார்மேகத்து மின்னலோ ஒப்பென்னத்தக்க ஒரு குதிரை மீது,
உயர்ந்த வாளைச் சுழற்றிய வண்ணமாய் வந்துள்ளான்.