"மணத்தோடு மலரும் பூக்கள் நிறைந்த வயல்களைக் கொண்ட நல்ல
ஏகில நாட்டு மன்னனாய், நெருப்புக் கொடியை உடையவனாய், கூற்றுவனது
பாசக் கயிற்றுக்கு ஒப்பாகவும், வெண்மையான மதி வடிவாகவும் அமைந்த
சக்கராயுதத்தைத் தாங்கியவனாய், போர்முகத்து வீர யானையின் மேலாய்த்
தாபிர் என்பவனும் பொலிவோடு வந்துள்ளான்.

     "இவ்வைந்து மன்னரோடும், எவேய நாட்டாரும், எத்தைய நாட்டாரும்,
பொன் நிறைந்த அமுறேய நாட்டாரும், வளமான புகழ் சேர்ந்த நல்ல
எபுசேய நாட்டாரும், நஞ்சுள்ள கூர்மையான வேலை நிலையாகக் கொண்டு
நிறைந்த பிரெகேய நாட்டாரும் கூடி வந்து குவிந்துள்ளனர்.

     நஞ்சு + அயில் - நச்சயில்