யாவற்றிற்கும் முதல்வனாகிய ஆண்டவனின் பகை தீயது, என்று எடுத்துச்
சொல்வாய்.

     'ஐவருமிடை' என்பதனை, 'ஐவரிடையும்' எனப் பிரித்துக் கூட்டுக.

     "வேறு எவர் பொருட்டாகவும், பிறர் மண்ணைக் கவர்ந்து பெற
ஆசையாலும், பகலவன் முன் பனி போல் விரைந்து மறையும் செல்வத்தைப்
பெற ஆசையாலும், பகைவர் உயிரைக் கொன்று விதைத்து விளைச்சலாகக்
கொள்ளும் புகழைப் பெற ஆசையாலும் நான் கொடும் போர் செய்ய
முற்படமாட்டேன், ஆண்டவனுக்காக வேண்டிப் போர் செய்ய
வேண்டுமாயின், தாமதிக்கவும் மாட்டேன் என்றும் எடுத்துச் சொல்வாய்.

     'செரு' என்பதே போராக, மீண்டும் 'போர்' என்றது, அதன் கொடுமை
குறிக்க வந்த ஒரு பொருட் பன்மொழி. பிறர்க்கு + யான் - 'பிறர்க்கியான்'
என, யகரம் வரக் குற்றுகரம் இகரமாய்த் திரிந்தது.