"'வேற்றுமை பாராட்டாமல், அக்காபனரும் நீரும் விரும்பி
ஒன்றாகிய போதே, எமக்கு அவர் பகைவர்', என்று அம்மன்னர் கூறவே,
கூற்றுவன் அல்லாது வேறு எவரும் தனக்கு ஒப்பாதல் இல்லாத வேலைத்
தாங்கிய அவ்வாபன், திரும்பவும் கூறுவான்; 'உம் படையின் வெள்ளத்தைப்
பெரிதாக மதிப்பதனால், மனத்தில் பாதுகாப்பு உணர்வு பொங்கி மயங்குதல்
வேண்டாம்.

     "மோயிசன் கையிலிருந்த பிரம்பினால் எசித்து நாட்டில்
பெருந்துன்பம் விளைந்த விதமும், தரிசு நிலம் போல் அரிய தன்
அடிப்பகுதி தோன்றுமாறு செங்கடல் திரைகள் பிரிந்து நின்ற விதமும்,
கரைக்கு அடங்காமல் பொங்கி எழுந்து இந்நாட்டில் பாய்ந்து வரும்
சோர்தான் ஆறு ஓடாது நின்ற விதமும், பரம்பொருளாகிய
ஆண்டவனின் வல்லமை காட்டும் வேறு பலவற்றையும் நீர்
கேள்விப்பட்டதில்லையோ?

     கேளீர்கொல்லோ - கேளீரோ : 'கொல்' இடையே அசைநிலை.