"யானைப் படையாக எழும் கடலும், உயர்ந்த தேர் குதிரை
காலாட் படைகளாக எழும் கடலும் முன்னே சென்று, செழுமையாக கடலின்
மேல் எழுந்து வரும் மற்றொரு கடல் மோதுதல் போல, பகைவர் படையாக
எழும் கடலோடு யூதர் படை நெருங்கும்.

     "மேகத்தினின்று சொரியும் மழைபோல, யூதர் தம் சினம் முதிர்ந்த
நெடிய வில்லினின்று சொரியும் அம்பாகிய மழை தம்மேல் வந்து
செறியவும், செறிந்த யூதர் தம் வாய்ச்சொல்லாக உதிரும் மழையும் சினந்த
முழக்கம் தம் மீது வந்து மோதவும், இருளில் பொழியும் மழை போல்
இருண்ட உள்ளத்தினராகிய அப்பகைவர் அஞ்சினர்.

     'ஆல்' இங்கும் தொடர்ந்து வரும் பாடல்களிலும் அசைநிலை எனக்
கொள்க.