"குறி தவறாமல் படும் அம்பே அல்லாமல் படாததென்று ஒன்றும்
இல்லாமையால், சோசுவன் ஏவும் அம்புகள் எதிர்ப்பட்ட யாவற்றையும்
வீழ்த்தவே, அவன் வில்லில் இட்டு வேகமாய்த் தொடுத்த அம்புகள்
மழையாய்ச் சிந்தின; பின் தொகை இல்லாமல் ஏவிய கொல்லும் தன்மை
வாய்ந்த அம்புகளின் வெள்ளம் அனைத்து உயிர்களையும் வாரிக்
கொண்டது.

     "நான்கு தேர்களில் உள்ளவரும், பன்னிரண்டு யானைகளில்
உள்ளவரும், குதித்துச் செல்லும் நானூறு குதிரைகளில் இருந்த வில்வீரரும்
திரண்டு வந்து, இரு பக்கமும் நிறைந்தவராய் முழங்கி இவனை நெருங்கவே,
உலகத்தின் எட்டுத் திசைகளும் என்ன நேருமோவென்று அன்று பதைத்தன.

     'ஆரிரு பாலினர்' என்பதனை, 'இரு பால் ஆரினர்' எனப் பிரித்துக்
கூட்டுக.