அதுனீசதன் அணிவகுப்பு

      - விளம், - விளம், - மா, கூவிளம்.

     "சிறகுகள் பொருந்திய தன்மையாய் விரைந்து செல்லும் தேரை
உடையவனும், நெருப்பைப் பொழியும் வில்லை உடையவனும், பிறை
வடிவம் பதித்த முடியை உடையவனும், தன் பெயரே ஈட்டித்தரும்
வெற்றியை உடையவனும், மணம்பொருந்திய மாலையை அணிந்தவனும்,
செறிந்த பல மன்னர் தந்த திறை செறிந்து கிடைக்கும் கால்களை
உடையவனுமாகிய அதுனீசதன், நான்கு மன்னரும் மடிந்த தன்மையால்
நொந்து அன்று மெலிந்தான்.

     "ஓர் இரு நூறு கொண்டு பெருக்கிய ஒரு முந்நூறு, அதாவது
அறுபதினாயிரம்-என்று எண்ணிக்கைக்கொண்ட நால்வகைப் படைகளைத்
திரட்டினான்; பின்னர் அதனைப் பெரிய இரு சிறகுகள் போல இரண்டு
பிரிவாகப் பிரித்தான்; அப்பிரிவுக்கு ஒவ்வொன்றாக, கொடிய போரில்
வல்ல இரண்டு புலிகள் போல இருவரைத் தலைவராக அனுப்பி வைத்தான்.