200 * 300 = 60000. 2 * 2 = 4.

     "இடப் பக்கத்துச் சிறகுக்குத் தலைவனாக இகுலன் அமையவும், வலப்
பக்கம் அமைந்த அச்சிறகுக்குத் தலைவனாக நிகுலனை அரசன் நியமித்து,
தான் இரண்டு சிறகுகளுக்கும் உயிராகிய நடு அணியில் பொருந்தி, பெரிய
சிறகு கொண்டு பறப்பது போன்ற தேரின் மேல் நின்று சினந்து தாக்கினான்.

     "பெரியவர் நட்புப் போலத் துன்பத்தில் எழுச்சி கொண்டு, அரியவை
கண்டவிடத்து எழுந்து தோன்றும் ஆண்மையால், சோசுவன், கரிய வலிமை
வாய்ந்த யானைமேல் அமர்ந்திருந்த கனையனையும் அச்சுதனையும் தமக்கு
உரிய இரண்டு அணிகளில் பிரித்து இரு புறம் விட்டுக் கொண்டு, தானும்
நடுவணியில்நின்று இடி போல மோதினான்.