'அரோ' அசைநிலை.

     "நிறைந்த இருள் போன்ற கூந்தலையுடைய மகளிர் ஆடும்
ஊஞ்சல் போல், பெரிய இரண்டு படைகளும் தம்முள் பின் வாங்கிப்
பிரிந்தும் முன்வந்து மோதிச் சேர்ந்தும், கொடிய போரில் இரு
பக்கத்துக்கும் தோல்வி இல்லாமல், இரண்டு ஆறுகள்போல் உதிரம்
ஓடப் போர் செய்வர்.

     "அதுனீசதனின் இடப் பக்கத்து அணித் தலைவனாகிய இகுலன்
எரித்த சூளைபோல் சினந்து முழங்கி, பரந்து கிடந்த போர் முனையில்
எழுந்து நின்ற சோசுவன் படையைத் தாக்கும் தன்மையால் நேர்முகமாய்
எதிர்த்து நின்ற அப்படை வீரர் முறிந்தோடப் பார்த்து, மதத்தால் மயக்கங்
கொண்ட யானை மேல் அமர்ந்திருந்த கனையன் என்னும் தலைவன்
சீறினான்.