பொருந்திய வாளும் உடையவராய், கொடிய யாளியைப் போன்ற இரு
யானைகள் மீது அமர்ந்து, கொல்லுந் தொழிலுக்குரிய இரண்டு யமர்
போல அவ்விருவரும் போர் செய்தனர்.

     'சுடர் பூண் மின் நாறினர்' என்பதனை, 'மின் நாறு சுடர் பூணினர்'
என மாற்றிக் கூட்டுக. இமர் - இயமர்; யமர்.

     "சொல்லும் வாயினின்று சொரிந்த சுடும் நெருப்போடு சினந்த
கண்ணினின்றும் நெருப்பு சொரியவும், நீர் கொண்ட மேகத்தினின்று
பிறக்கும் இடியை ஒத்த முழக்கத்தோடு சினந்த அம்புகளின் முனை
உயிரை உண்ணுமாறும், நீண்ட வில்லினின்று சொரியும் அம்பு மாரியால்
ஆகிய விரிந்த போர் இரு பக்கத்தும் கொலை நடத்துகையில் சொரியும்
உதிரத்திற்கு அளவு ஒன்று மின்றிக் கொடிதாய் அப்போர் நிகழும்.