"இவ்வாறு இருவர் வில்லும் ஒடிந்தமையால் போர் பதப் பட்டுத்
தேங்கவே, தத்தமக்கு நன்மை ஏற்படுமாறு, பவளத் திடையே பதித்த
முத்துப் போல் தம் உதட்டின் மீது பல்லை அழுத்தியவராய் இருவரும்
எதிரி மீது எறியும் பலவகைக் கருவிகளில் ஒன்றும் இல்லாதவராய்ச் சினம்
ஏற்படவே, வலிமை வாய்ந்த நெடிய இரண்டு கதாயுங்களைத் துதிக்கைகயில்
இட்டு வைத்து, மதம் ஏற்பட்டமையால் இரண்டு நெருப்புப் போல் மாறும்
தம் யானைகளைத் தமக்குள் போரிடுமாறு ஏவி விடுவர்.

     நெடுமை + இரு - நெடு + இரு - நெட்டு + இரு = நெட்டிரு.

     "இரண்டு கரு மேகங்கள் நெருப்போடு கூடிய பல இடிகள்
விழுமாறு விளையாடின என்று சொல்லத் தக்கவண்ணம், போர் நிறைந்த
அக்களம் இடையே நடுங்குமாறும் திரண்ட நெருப்பு அங்கு எழுமாறும்
முழங்கிப் போரிட்ட அவ்யானைகள், தம் துதிக்கையிற் கொண்ட
கதாயுதங்களை வீசிய ஒப்பற்ற விசை தங்களைத் தாக்கவும், அவற்றின்
அருகே எதிர்ப்பட்ட படைகளெல்லாம் போரிட்டு அடியோடு அழிந்தன.

     ஆடுக - ஆட; குகரம் இடையே சாரியை.