"இடியோடு முழங்கிய மேகத்தோடு கடலும் இணைந்து முழங்கிய
ஒலி போல, போர் முரசு முழங்கிய தொனியோடு எழுந்து இவ்விருவரும்
இடப் பக்கம் நெருங்கி நின்று கொடும் போர் புரிந்து கொண்டிருந்த அதே
நேரத்தில், உலகத்தில் முழங்கின எவ்வொலியும் தனக்கு நிகரில்லாமல்,
மலைகளும் அதிருமாறு, நெருப்பே சினந்து எழுந்தாற் போல, வலப்
பக்கமும் மிகுதியாக முழங்கின போர் நிகழ்ந்து கொண்டிருக்கும்.

     பருபதம் - பருப்பதம் : இடைக்குறை. 'ஆல்' அசை நிலை.

     "தான் ஏறியிருந்த யானையை அதட்டிய சினத்தோடு முழங்கிய
கடுமை கொண்ட சச்சுதன், இடை விடாமல் நெருப்பையும் அதட்டிய
கொடிய அம்புகளையும் இடையிடையே அளவில்லாத அம்புகளையும்
ஏவ, தம் குதிரைகள் அதட்டி இழுத்த தேராகிய மலைகளும் குதிரைகளும்
யானைகளும் சிதறவே, எதிர்த்து வந்த பகைவர், அரிமா அதட்டிய யானைக்
கூட்டம் போல, அச்சங்கொண்டு முறிந்து ஓடுவர்.