"கரிய உச்சியைக் கொண்ட மேகத்தினின்று மின்னலோடு
நெருப்பையும் உமிழ்ந்து இறங்கிப் பாயும் இடிபோல, வெல்லுதற்கரிய
சச்சுதன் தன் யானையினின்று இறங்கி, நெருப்பைக் கக்கும் வாளைச்
சுழற்றிக் கொண்டு, கொல்லுதற்குரிய நஞ்சைக் கொண்டுள்ள நாகம்
போன்று அந்நிகலனின் தேர்மீது தான் ஏறிக்கொண்டு, அவன்
உடலைப்பிளந்து, எதிரிப் படையெல்லாம் அச்சத்தோடு தோற்று
ஓடும்படி, உள்ளம் சினந்து, அவனது தேரைத் தானே விரைந்து செலுத்தினான்.

     நச்சரவு - நஞ்சு + அரவு; நச்சு + அரவு - நச்சரவு.

               சோசுவன் - அதுனீசதன் போர்

       புளிமா, கூவிளம், கருவிளம், கருவிளம், புளிமா, கூவிளம்,
கருவிளம், கருவிளம்.

     "படையணிகளின் இரு பக்கத்தும் இவை நிகழ்ந்து
கொண்டிருக்கையில், நடு்ப் பக்கத்தில் உள்ள சினந்த முகங்கொண்ட
சோசுவனும் அதுனீசதனுமாகிய மன்னர் இருவரும் எதிரெதிராக நின்று
போரிட்டனர். அப்பொழுது எழுந்த முரசொலியும், சங்கொலியும்,
குதிரைகளின் மிகுந்த ஒலியும், யானைகளின் ஒலியும், தேர்களின்
ஒலியுமாகப்