கடவுள் விளைவித்த அழிவு

      - விளம், கருவிளம், - விளம், கருவிளம்.

     "முறிந்தோடிய பகைவரை முற்றிலும் கொன்று ஒழிக்கும் வண்ணம்,
விரித்த வலையை அவர்மீது கவிழ்த்தியதுபோல, சினமுள்ள இடியோடு
எரியும் கரிய மேகங்கள், ஒரு கணப்பொழுது அறுவதற்குள், இடந்தோறும்
இடந்தோறும், உயர்ந்த வானவெளி முழுவதும் பரவின.

     "வீரம் முதிர்ந்த படை போருக்கு எழுமாறு முரசு முழங்கும்
ஒலிபோல, கருவாகக்கொண்ட முதிர்ந்த இடியோடும் போருக்குரிய
முதிர்ந்த சினத்தோடும் எழுந்து, முழங்கும் முதிர்ந்த ஓசையோடு கருமேகம்
பரவிய காரணத்தால், தீவினையில் முதிர்ந்த உள்ளம்போல் வான வெளியில்
பரந்த முதிர்ந்த இருளாகும் அது.