"மிக்க ஓசை எழுமாறு விழும் கல்லின் மழையால் உண்டாகும் ஒலியும்,
இடிகளின் ஒலியும், அவ்விடியையும் மிஞ்ச ஒடிந்து விழும் தேர்களின்
ஒலியும், மடியும் யானைகளால் எழும் ஒளியும், மடியும் குதிரைகளால் எழும்
ஒலியும், முடிவு இல்லாது மடியும். படை வீரரின் முதிர்ந்த ஒலியும் உவமை
இல்லாதன ஆகும்.

     "பொழிந்த கல் மழையால், வில்லுகளும் அம்புகளும் சிதைந்தன; பிற
பல படைக் கருவிகளும் சிதைந்தன; கைகளும் சிதைந்தன; இரு கால்களும்
சிதைந்தன; தலைகளும் முடிகளும் சிதைந்தன; எரியும் நரகமாகிய கடலில்
தம் உயிர் சென்று சேருமாறு அப்பகைவர் உடல்களும் சிதைந்தன.

     "தப்பாத வல்லமையுள்ள எம் ஆண்டவன், குற்றத்திற்கு இடமில்லாத
போரைத் தானே மேற்கொண்டு செய்தமையால், யானைகளும் தப்பவில்லை;
குதிரைகளும் தப்பவில்லை; வீரர்களும் தப்பவில்லை; படைத்தலைவரும்
தப்பவில்லை; அரசரும் தப்பவில்லை; பகைவர் அனைவருமே தப்பவில்லை.