களிரிமாபுரம் சேர்தல்

     - விளம், - மா, தேமா, - விளம், - மா, தேமா

     துன்பத்தினிடையே துவண்ட நெஞ்சம் கொண்ட சூசையும்
மரியாளும் நிமிர்ந்து எழுமாறு, வெயில் காய்ந்த விடத்துப் பெய்த மழை நீர்
போலும், இருளின் முகத்தே ஏற்றிய விளக்குப் போலும், இவை யெல்லாம்
அங்கு நிகழ்ந்தன. பின்னர், தம் மகனின் திரு முகத்தினின்று வெளிப்பட்ட
செழுமையான கதிரொளியைத் தெளிவுபெற உண்டு, அங்கிருந்து அகன்று,
தம் முகத்தெதிரே நீண்டு கடந்த நாட்டில் புகுந்து நீண்ட வழி நடந்து
போயினர்.