இறைவன் அருள் துணையால் சேதையோன் பகைவரை வென்ற திறம்
கூறும் பகுதி. குழந்தை நாதனின் தெய்வ வல்லமையைப் புலப்படுத்த இது
இங்கு இடம் பெற்றுள்ளது. விவரம் ப. ஏ. நீதிபதிகளாகம் 6-8 அதிகாரங்கள்
காண்க.

                பவளத் தூணில் மாணிக்கப் பாவை

     - விளம், - மா, தேமா, - விளம், - மா, தேமா.

     நிலைத்த முரசு சிறு பறையோடு முழங்கவும், பாடலுக்குச் சிறந்த
யாழ் ஒலிக்கவும், கட்டுத் தறியில் பிணைத்த நிலையிலுள்ள யானைகள்
சீறவும், கன்றுகளைப் பிரிந்த நிலையிலுள்ள பசுக்கள் கதறவும், பந்தியில்
நிலை கொண்ட குதிரைகள் கனைக்கவுமாகப் பரவும் ஒலி மிக்க களரி
என்னும் பழமையான ஊரில், குடியிருப்பு நிலைகளின் புறத்தே, சூசையும்
மரியாளும் குழந்தை நாதனோடு ஒரு சிறந்த மண்டபத்தில் நிலை
கொண்டனர்.

     வேளில் - 'வெளில்' என்பதன் நீட்டல் விகாரம், மூதூர் - முதுமை +
ஊர் - மூது + ஊர் - மூதூர்.