படையாகக் கொண்டுள்ள மன்னரும் அவரோடு ஒருங்கு திரண்டு
போரிட்டனர்.

     தோழர் கொல்லோ - தோழரோ: 'கொல்' இடையே அசைநிலை.

     "மாலையின் அழகு கொண்ட இம் முடி மன்னரோடு சாலை
வழியே சாய்ந்து வந்த புகைந்த கண்ணால் எரித்தாற் போன்ற காலாட்
படைகளையோ, சொரிந்த காம மதம் நிறைந்த யானைகளையோ,
குதிரைகளையோ, அழகு கொண்ட பாதுகாப்பான சிறந்த தேரின்
திரளையோ கணக்கிட்டுச் சொல்ல வல்லார் யார்?

     கரிபரிதேர்களைப் பின் விதந்து கூறவே, முன் தானை என்றது,
காலாட் படையை மட்டுமே சுட்டியதாயிற்று.

     "யானைகள் செல்வதாயின், கடல் போன்ற காலாட் படை செல்ல
இடமில்லை; காலாட் படை வரிசை செல்வதாயின், அழகு வாய்ந்து நிமிர்ந்து
நின்ற தேர்கள் செல்ல இடமில்லை : பெரிய தேராகிய மலைகள்